KOLLIG

Legendariese Ina Is ‘doodgewoon’

Op 88 lei die koslegende Ina Paarman steeds ’n besige lewe met ’n vol program en is sy elke dag op kantoor, te midde van die uitdagings wat ’n ernstige oogsiekte aan haar stel.

Wat motiveer jou om steeds volstoom te werk?

Ek doen dit omdat dit vir my lekker is en ek ná jare se ondervinding meestal die regte besluite neem. ’n Mens betaal deur die jare skoolgeld deur die foute wat jy maak – wanneer jou besigheid klein is, is jou foute nie so erg nie, maar sodra dit uitbrei, kan die foute wat jy maak groot gevolge hê.

KOLLIG

Skurk op die skerm, vegter in die regte lewe

Skurk. Alkoholis. Gesplete persoonlikheid. As dit ’n moeilike rol is, is die kanse goed dat André Odendaal die karakter gaan vertolk. Hy is vertroud met uitdagings … hy het immers kanker oorwin en sukkel met swak sig.

“Ek was nog altyd baie privaat, dis hoekom jy nie veel persoonlike inligting oor my op die internet sal kry nie,” verduidelik die akteur André Odendaal met die intrapslag.

AKTUEEL

Pas op vir foonslenters

Jou bankrekening kan met één selfoonoproep leeggemaak word, al is jy hóé kuberslim. Die oud-omroeper Amore Bekker en Marlett Steyn, ’n sakevrou van Mosselbaai, deel hul ervarings daarvan en ’n regsgeleerde sê waarom sy dink banke meer kan doen.

DEUR KARIN DE BEER

Die omvang van digitale bankbedrog in Suid-Afrika is kommerwekkend. Bedrieërs span met kunsmatige intelligensie al hoe meer gesofistikeerde metodes in en gebruik sielkundige manipulasie om verbruikers te flous.

INSPIREER

Onaantasbaar deur storms van die lewe

Jare lank het hy gewroeg omdat hy sy pa as jong seuntjie verloor het. Daarna het hy én sy vrou teen kanker baklei. Maar sy geloof maak hom onaantasbaar, sê die sanger Leon Ferreira. Dis ook die naam van sy nuwe liedjie.

DEUR KARIN BURGER

Luister jy na die sanger Leon Ferreira se nuwe enkelsnit, “Onaantasbaar”, tref die boodskap jou: Ons elkeen is deur die Here gekies. Jy is nie sommer net enige mens nie, jy is God se Woord in wording.

INSPIREER

See toe op 60

Willie en Lynette du Preez se liefde vir die see het hulle gemotiveer om ’n avontuur aan te pak waarvoor min mense kans sal sien: om drie jaar lank in ’n seiljag om die wêreld te vaar. Byna drie dekades het sedertdien verloop, maar vir Lynette voel dit steeds soos gister.

DEUR KARIN BURGER

“Benoud kyk ek hoe Willie by die agterstewe afklim en die blou dieptes induik. Ek volg hom. Toe my kop onder die water kom, is die eerste gewaarwording die onheilspellende stilte. Die sonstrale dring meters diep deur die helder water en daar is net ’n blou massa om en onder my.”

HUMOR

Die aand van die priemende soeklig

Hul saambaddery “om water te bespaar” het ’n egpaar van Melkbosstrand al in meer as een penarie laat beland, skryf Hennie van Deventer.

Om byna ses dekades lank ’n dubbelbed te deel, is vir ’n egpaar niks ongewoons nie … om die laaste vier dekades ook ’n bád te deel is dalk minder gewoon.

VERHOUDINGS

Versigtig vir ander se sorge

Omgee en gewilligheid om te help is tekens van meelewing. Maar om té betrokke te raak en ander se probleme te probeer oplos kan tot selfverwaarlosing en emosionele uitputting lei. Ondersoek jou motiewe en vermy die slaggate, sê ’n kenner.

DEUR UNA NIEUWOUDT

Die meeste van ons het van kindsbeen af geleer om nood raak te sien, ander se swaarkry met respek en empatie te bejeën en ’n helpende hand of vertroostende skouer te bied. Maar om as ’t ware ander se sorge op te gaar of probleme wat bo jou vuurmaakplek is te probeer oplos, is ’n onreg teenoor jouself en soms ook die ander party.

LEEFSTYL

Willemsrivier … die werf wat eers ’n dorp was

As jy op soek is na ’n salige, nostalgiese ervaring, gaan kuier op Willemsrivier in die Noord-Kaap. Tussen die mooi natuurskoon kan jy in gister se voetspore stap …

DEUR MARINDA ERLANK

Willemsrivier lê knus in die Hantam se mooi van uitgestrekte vlaktes, kokerbome, veldblomme en stiltes. Die Noord-Kaap se mense glo dís hoe die hemel lyk. Hierdie werkende skaap-en-gasteplaas se storie het reeds in 1745 begin en is nog lank nie klaar geskryf nie.

GESOND

Verslaaf aan oefen?

Soos alle gewoontes kan oefening selfvernietigende gevolge hê as dit misbruik word. As dit die belangrikste prioriteit in jou lewe is en selfs siekte of besering jou nie daarvan weerhou nie, het jy dalk hulp nodig.

DEUR UNA NIEUWOUDT

Sommige mense ontwikkel ’n obsessie met oefen en kan ondanks die waarskuwingstekens nie ophou of afskaal nie. Hoewel oefening ’n waardevolle hulpmiddel vir fisieke en emosionele gesondheid is, kan dit die teenoorgestelde uitwerking hê as die perke oorskry word.

ANTOINETTE SÊ

Die leuen van ’n spieël

Die soort spieël waarop sy ag slaan en wat nie lieg nie, is die een wat ’n mens se binneste weerkaats, skryf Antoinette Pienaar.

Oom Johannes het altyd ’n wonderlike storie vertel van die man wat ’n spieël in die veld opgetel het. Dit moes iewers van ’n smous se wa afgeval en in stukke gebreek het. Die man tel toe ’n groterige stuk op, gee die snaakse glas een kyk en hardloop huis toe asof hy ’n spook gesien het.